ترکی: جنگلات میں لگی آگ سے تھرمل پاور پلانٹ کو خطرہ لاحق

ترک صدر رجب طیب اردوان نے جنگلاتی آگ پر قابو پانے میں مدد کرنے والے ممالک اور تنظیموں کا شکریہ ادا کرتےہوئے کہاہے کہ جلد از جلد اس مشکل وقت سے نکل جائیں گے۔

حکام کے مطابق جنگلات میں لگی آگ پر قابو پانے کی کوششیں جاری ہیں جبکہ ایجیئن ساحلی شہر میلاس میں پہاڑوں پر پھیلنے والی آگ سے تھرمل پاور پلانٹ کو خطرہ لاحق ہوگیا ہے۔

ترک میڈیا کے مطابق 154 مقامات پر لگی جنگلاتی آگ میں سے 10 مقامات پر لگی آگ سے قصبوں اور شہروں کو خطرہ تھا جس پر قابو پالیا گیا ہے۔

اس کے علاوہ بحیرہ روم اور ایجیئن کے ساحلی حصوں میں جنگلات میں لگی آگ کےسبب درجنوں دیہات خالی کرالیے گئے ہیں۔

واضح رہے کہ 28 جولائی سے جنگلات میں مختلف مقامات پرلگنے والی آگ سے اب تک 8 افراد ہلاک ہوچکے ہیں۔

جنگلاتی آگ پر قابو پانے میں مدد کیلئے 100 افراد پرمشتمل آذربائیجان کی امدادی ٹیم بھی ایجئین ریجن پہنچی تھی۔

اپنا تبصرہ بھیجیں